www.استقدام.com
استقدام - شركات الاستقدام - مكتب استقدام
إلى متى ؟!
إذا شركات الاستقدام الهدف منها القضاء على سلبيات وفوضى سوق العمل السابقة وهذا ما نتمناه أما خلق سوق بأسلوب تجاري اخر و يتحمل المواطن تبعيته من احتكار وارتفاع أجور واستقدام عماله غير لائقة صحيا ونفسيا وغير مدربه وتنشبوهم في حلقونا وندفع ضريبتها فهذا مرفوض وسيخلق مشاكل اجتماعيه للمواطن وسوق العمل وربحيه لأصحاب الفكرة والقرار.إلى متى ؟!
لو فيها خير شركات الاستقدام ، ما وافق عليها مجلس الشورىلو فيها خير شركات الاستقدام ، ما سعى لها رئيس لجنة الاستقدام
لو فيها خير شركات الاستقدام ، ما روجت وطبلت لها الصحف
إلى متى ؟!
جت الحزينة تفرح ما لاقت لها مطرح !!هذي هي الحال ستكون مع شركات الاستقدام الجديدة أو بالأحرى شركات الضحك على المواطن.
طلع فرعون ارحم من عون .
تعودنا الاهتمام بنا .
شركات الاستقدام في السعودية
مرحباً بكم
أحبتي حياكم الله في موقعي المتواضع والذي من خلاله أحببت طرح بعض
المواضيع التي أصبحت هم المواطن السعودي وحديث الساحة وسيكون الموقع
متخصص في طرح جديد شركات الاستقدام بالسعودية على مستوى جميع أنحاء
المملكة الحبيبة.
خطة مدبرة
عندما سمعنا بشركات الاستقدام فرحنا
وقلنا انحلت مشكلة العمالة ( يا سلام وناسه الحين صرنا حركات وعندنا
شركات خاصة للاستقدام وتأجير العمالة ) وصرنا ننتظر هالشركات متى يبدءا
عملها ونفتك من مكاتب الاستقدام الفردية على امل أن عون أحسن من فرعون
, ولكن للأسف طلع فرعون ارحم من عون !! كيف ؟
لو رجعنا بالذاكرة للوراء بداية مشكلة اندونيسيا والاستقدام منها لما
كانت الأعذار والإعلام كله مسلط الضوء على أن السبب الرئيسي هو مطالبات
الحكومة الاندونيسية بإيقاف قتل ( تنفيذ الحكم الشرعي ) في مواطنيها
أصحاب القضايا الجنائية كانت هذي مجرد زوبعة سببها الرئيسي محاولات منا
بتخفيض أسعار الاستقدام من اندونيسيا لأنها وصلت إلى 8000 الاف ريال
سعودي واللجنة الوطنية العزيزة لدينا قالت إنها بترجع سعرهم مثل زمان
4500 الاف ريال سعودي !! عشان خاطر سواد عيون المواطن وعشان المواطن ما
يستغل , طبعا اندونيسيا بسبب هالامر وسبب تخفيض السعر ( محاولة تخفيضه
) قلبت الأوراق القديمة وبداءات تختلق الأعذار وإحنا ما صدقنا خبر
ووقفناها على طول !؟
وبعدها دخلنا في الفلبين وقلنا مو معقولة خدامة فلبينية يوصل راتبها
1400 ريال ؟ وين عايشين !! وصرنا ندقق في طلباتهم وعقودهم لين وقفناها
!!
لكن لما سيرلانكا وصل سعر الاستقدام منها 18 الف ريال ؟؟ ما سوينا شي
ولا قلنا وقفوا الاستقدام منها هذي سعرها عالي على المواطن ولازم تتوقف
لأنه بالأساس عمالتها غير جيدة ( انتم اخبر مني فيهم ).
لكن للأسف ولا ضوء إعلامي واحد سلط على أسعار سيرلانكا ؟ ليه !!
لان اغلب مكاتب سيرلانكا هي ملك لبعض أخوانا في اللجنة الوطنية (
يترزقون الله ) عشان كذا ما رفعوا طلب إيقاف لها .
وبنفس الوقت ينتظرون شركات الاستقدام تبدءا العمل وبعدها يفتحون الدول
المقفلة + دول جديدة , ويصير المواطن مبسوط أن الدول رجعت ويدعي
للشركات إلي كانت السبب في الفتح رغم إنها تأسيسها هو سبب الإيقاف
(دراسة تجارية ليس إلا ) عشان يرجع رأس المال 100 مليون ؟؟؟؟ يحتكر
السوق على جنسيات معينه وبعد بدء مزاولة الشركات العمل يفتح السوق على
مصرعيه ( غدا لناظره لقريب ) وتصدقون هالامر .
طيب ,, إذا زعلنا أن الفلبين تطالب ب راتب 1400 ريال لعمالتها ( والله
أنهم أفضل عمالة ) كيف تجي الشركات وتاجر علينا الأثيوبيات ب 1500 ريال
؟!!
يمكن عشان سعر الإقامة شامل مع العاملة ( خير يا طير !! سعر الإقامة
350 ريال سنوي يعني 29 ريال شهري يعني راتبها 700 + 29 = 729 ريال شهري
تكلفتها ) من وين باقي السعر ؟؟!!
قالوا بدون أتعاب استقدام توفير للمواطن !!
طيب تكلفة الاستقدام المتدنية في حدود 5000 الاف ريال + 2000 ريال رسوم
التأشيرة + 350 ريال الإقامة + العلاج للعاملة مجاني في المستشفيات
الحكومية + تذكرة سفرها بعد سنتين 1200 ريال وحسب الموسم السعر يعني
تكلف العاملة سنتين شاملة رواتبها وأتعاب الاستقدام كاملة 1070 ريال
شهري ؟ وانتم تبغون 1500 ريال شهري !! وقال ايش :) قال أوفر للمواطن !
طيب خلينا نقول كلامكم صحيح وريحتوا المواطن ووفرتوا عليه ( دراهم )
كيف تتوقعون يكون وضع العاملات في سكن العاملات ؟ اختلاط كبير لهم
الزين والشين ؟
يعني بدل ما أجيب وحده لبيتي وتكون جديدة أول بيت تدخله بيتي أمشيها
على كيفي أروح اخذ منهم وحده جلست مع مجموعة كبيره ينتظرون دورهم في
الإيجار وفيهم الجنسية وفيهم المجرمة وفيهم الحراميه وكل وحده تعلم
الثانية ؟
والمصيبة تأخذ عاملة لمدة شهرين وترجعها وتلاقيها بكره عند جارك تشتغل
( والله بتطلع فضايح بيوتنا ) يصير نبني البيوت الان بدون أحواش (
أسوار ) وبدون ستائر وبدون عوازل ( انفضحنا خلاص ) وش تفرق
ولا تجيب شغالة بالإيجار كانت تشتغل في بيت فيه بنات مراهقات وتتستر
عليهم وتعرف أسرارهم وتجي بيتك وتخرب بناتك وتعلمهم أصول الفن
والله سالفة طويلة لها ايجابيات وسلبيات لكن عني انا شخصيا وجدت ان
سلبياتها أعظم من ايجابياتها
وأكثر ما أضحكني في الأمر في بدايته كلمة وزير العمل بان السبب وراء
تأسيس الشركات ماهو إلا تقليل نسبة العاملة الوافدة الغير نظامية في
البلد ( وأعطى شركة استقدام وحده 83 الف تأشيرة ) ناقصين أحنا عمالة
تنهب خيرات البلد ؟
وبرضه يقول الهدف تقليل الاحتيال على المواطن من بعض مكاتب الاستقدام (
يا عمي أنت جمعتهم كلهم في شركة وحده ) يعني لو على تبريرك أنت بدل ما
كان حرامي صاروا حرامية !!
وفي اخر المطاف نبه انه يحق للمستثمرين عمل الشركات لو مكاتب الاستقدام
ما سارعت بتأسيس الشركات ( سمعت يا صالح كامل ) يمديك تسوى !!
وللحديث بقية
اقسام الموقع
دعابة
-
نسبة الزيادة في غلاء المعيشة 15% علي جميع المواطنين
ونسبة زيادة راتب العاملة المنزلية 100% هذا إجحاف في حقنا.
تعليق أعجبني
-
الحقيقة أننا ندور في حلقة مفرغة لأن هذا لن يقضي على هروب العمالة لأن العمالة إذا أرادت الهروب هربت سواءاً عن طريق شركة أو فرد ،أما عن الاستقدام المباشر فلا لأن تكاليف الأجر الشهري مرتفعة جداً الف وخمسمائة ريال كثير ولا يستطيع كثير من المواطنين تحمل ذلك بل الاستقدام المباشر أفضل من ذلك إذا حسبت تكلفة ثلاث سنوات متواصلة حوالي 40000 أما الشركات فحوالي 54000 وهذا استغلال وسيدفع فاتورته المواطن أما إذا كان الراتب الشهري 1000 ريال فهذا حل مفيد ومن صالح المواطن ويحل له عناء الانتظار 6 شهور لوصول العاملة المنزلية.